المساعدة - البحث - قائمة الأعضاء - التقويم
نسخة كاملة: اللبن
العاصفة > المنتديات الإجتماعية > الملتقــى النسـائـي > مطعم العاصفة
الصفحات: 1, 2, 3, 4
lonely man
QUOTE(الميداني @ 8th Dec 2010, 06:23 PM)
حسب علمي هي المادة ممنوعه من التداول في سورية لاني سمعت عن مصادرة كمية البان مضاف اليها هذه المادة .

الغرض من هذه المادة هو منع التمصل مما يعطي اللبن وزن ويخفي منه المصل
*



على علمي يا ابو سعيد ان المادة غير ممنوعة

و هي اساسية بصناعة الدهانات و حتى المدهنين يشترونها بالكيلو و يستخدمونها بالاضافة لمادة اخرى تسمى ليتابون بعمل معجون لتسوية الحيطان قبل دهن المنزل بالدهان الزياتي .



الميداني
قصدي محظوره في صناعة الالبان .


بلغ عدد الشاحنات المحملة باللبنة المغشوشة، التي قامت دوريات حماية المستهلك في مديرية التجارة الداخلية بضبطها في الآونة الأخيرة في محافظة الحسكة 16 شاحنة حتى الآن ، بحسب معاون مدير التجارة الداخلية غازي ناصر .

و تابع ناصر انتشرت في الفترة الأخيرة ظاهرة بيع اللبنة المغشوشة بواسطة سيارات وشاحنات جوالة تجوب مختلف أنحاء المحافظة، حيث يباع الكيلو غرام الواحد من هذه اللبنة بسعر رخيص يتراوح بين 30 و50 ل.س إلا أن دوريات حماية المستهلك التابعة للمديرية والشعب التموينية التابعة لها في المحافظة تصدت لهم فقد تم ضبط 16 شاحنة محملة باللبنة المغشوشة وتم تنظيم الضبوط التموينية بحق أصحاب تلك الشاحنات وإحالتهم إلى القضاء المختص إلى جانب مصادرة المواد التي بحوزتهم وإتلافها. ‏

وأوضح الناصر أن نتائج التحليل المخبري لتلك اللبنة أثبتت أنها مخالفة للمواصفات وغير صالحة للاستهلاك البشري وهي عبارة عن مادة صناعية مكونة من النشاء والبروتين وزيت النخيل واللستين والجلاتين .

و أضاف والأخطر من ذلك أنه يدخل في تركيبها مادة السبيداج التي تستخدم في صناعة الدهانات ومعظم الشاحنات والسيارات المخالفة تأتي إلى محافظة الحسكة من محافظة الرقة .

و ختم ومن خلال التنسيق مع مديرية التجارة الداخلية بالرقة تبين أن مصدر اللبنة المغشوشة من عدة معامل موجودة في محافظتي حماة وحمص وبناء على ذلك قامت مديرية التجارة الداخلية بالحسكة بمراسلة وزارة الاقتصاد والتجارة بهذا الخصوص والمتابعة لهذه القضية مستمرة. ‏


‏ عكس السير



http://www.aksalser.com/?page=view_news&id...25&ar=569105129
حمدي
QUOTE(Hopeless @ 8th Dec 2010, 08:23 PM)
الفران كان دايما يلبس كلسون مبهبط وواسع ويمكن تشوف بيضاتوا من خلال كلسونتوا اي واقف كل اليوم امام بيت النار بالحر رح يفطس فبيلبس تياب داخلية واسعة وبس وفي مننون كانوا يخيطوا كلاسيننون من شوالات الطحين وهو نفسوا اللي بينعمل منو كيس اللبنة
وربما الفران بيستخدم كلسونوا بالنهار ليلبسوا امام الفرن ومرتوا بالليل بتستخدموا لعمل اللبنة

كيس الطحين لا يصلح للبنة. ممكن كيس السكر.
حمدي
QUOTE(asyrian @ 8th Dec 2010, 09:54 PM)
انا حكيت على الحموضة يلي بيتميز فيها لبن حلب و سألت عن سببه

سبق حكينا عنها بموضوع آخر. لبن حلب في معظمه لبن غنم، ومعروف أن حليب الغنم أغنى بكل المركبات نسبة للماء من باقي أنواع الحليب، لذلك يكون طعم لبنه أقوى.
لبن الماعز (مريق) لأن نسبة الماء في حليبه أكبر. لبن البقر فيه حلاوة نسبة للبن الغنم.
كان كل اللبن سابقا، ومعظمه حاليا، صناعة منزلية، ولذلك لا يوجد مقياس موحد، كل عائلة وطريقتها، وقبل شيوع سطول النايلون، وبعد انقراض علب الخشب، كنت تشوف اللبن كل وعاء شكل: شي طناجر ألمنيوم مختلفة المقاسات، شي سطولة الحمام النحاس، شي لڴنات. والحليب نفسه كل يوم شكل.أيضا لا يوجد ظروف تصنيع مضبوطة: يعني دقة زيادة للببور ممكن تغير كل شي. لا الحرارة منضبطة، لا أوعية التحضير منضبطة، ولا تركيبة الحليب منضبطة، ولا نسبة الخترة منضبطة ...
أكمل بعد ساعة أو أكثر 17.gif
المغربي
إذا أردنا أن نكون صريحين فأشطر شعوب العالم في أمور الرايب والجبن هم الفرنسيون ويتبعهم الإيطاليون. في فرنسا وحدها أنواع الجبن تتعدى 500 نوع، وهناك كلمة شهيرة قالها شارل دوغول رئيس فرنسا الأسطوري "كيف يستطيع المرء أن يحكم بلدا عدد أنواع الجبن فيه تفوق عدد أيام السنة" 1108014410.gif
خالد
الجبن ممكن يا مغربي، بس الرايب اش دخلهم فيه؟

الأتراك ووسط وشمال أوربا يصنعون أشكالا عجيبة من الرايب، أما فرنسا فما وجدت فيها خلا نوعين أحدهما ليس لهم.

اللهم إلا إن كنت تتكلم عن رايب الفواكه… هذا متوفر بنكهات مختلفة.
المغربي
QUOTE(خالد @ 8th Dec 2010, 09:49 PM)
الجبن ممكن يا مغربي، بس الرايب اش دخلهم فيه؟

الأتراك ووسط وشمال أوربا يصنعون أشكالا عجيبة من الرايب، أما فرنسا فما وجدت فيها خلا نوعين أحدهما ليس لهم.

اللهم إلا إن كنت تتكلم عن رايب الفواكه… هذا متوفر بنكهات مختلفة.
*



أتحدث عن كليهما، عن أنواع الرايب (الجبن الطري مثل لبنة الكيس التي تحدثت عنها) وعن أنواع الجبن الصلب الأخرى... يعني كل أنواع اللبنة من التي تحتاج لنضجها 24 ساعة إلى التي تحتاج لسنتين. كل هذه أنواعها في فرنسا لا تعد ولا تحصى. أما أنواع الرايب على شكل مشروبات فلم أقصدها.
celia
QUOTE(خالد @ 8th Dec 2010, 09:49 PM)
الجبن ممكن يا مغربي، بس الرايب اش دخلهم فيه؟

الأتراك ووسط وشمال أوربا يصنعون أشكالا عجيبة من الرايب، أما فرنسا فما وجدت فيها خلا نوعين أحدهما ليس لهم.

اللهم إلا إن كنت تتكلم عن رايب الفواكه… هذا متوفر بنكهات مختلفة.
*



اللبن البلغاري هو الاكثر انتشارا في أوربا و هو عنصر مهم في المطبخ البلغاري .
الـنـديــم
>>

QUOTE(المغربي @ 8th Dec 2010, 05:25 PM)

في فرنسا وحدها أنواع الجبن تتعدى 500 نوع،

*




وصلوا لـ 1000 ويزيد حاليا ..


<<
المغربي
QUOTE(celia @ 8th Dec 2010, 10:45 PM)
اللبن البلغاري هو الاكثر انتشارا في أوربا و هو عنصر مهم في المطبخ البلغاري .
*



في أوربا الغربية الغالبية العظمى لا تعرف أين توجد بلغاريا أصلا e19.gif
celia
QUOTE(المغربي @ 8th Dec 2010, 10:56 PM)
QUOTE(celia @ 8th Dec 2010, 10:45 PM)
اللبن البلغاري هو الاكثر انتشارا في أوربا و هو عنصر مهم في المطبخ البلغاري .
*



في أوربا الغربية الغالبية العظمى لا تعرف أين توجد بلغاريا أصلا e19.gif
*




wefdfsds.gif

طبعا ليس كل الاوربيين مثقفين مثلي 15.gif

المغربي
QUOTE(الـنـديــم @ 8th Dec 2010, 10:51 PM)
>>

QUOTE(المغربي @ 8th Dec 2010, 05:25 PM)

في فرنسا وحدها أنواع الجبن تتعدى 500 نوع،

*




وصلوا لـ 1000 ويزيد حاليا ..


<<

*




الأنواع الأصيلة التقليدية تفوق 500 نوع. لكن في السوق نجد عدة أصناف لكل الأنواع وبذلك تكون النتيجة آلاف الأصناف.

خذ على سبيل المثال لبنة Brousse du Rove التي تصنع من حليب المعز او حليب الشاة هذه:

في الأسواق ستجدها هكذا على الطريقة التقليدية وستجد أيضا أصنافا لها أخرى مع إضافات توابل او تشكيلات أخرى لا حصر لها ...


user posted image

الـنـديــم
>>

QUOTE
الحليب إما أن يبستر أو يغلى،

في حالة بسترة الحليب، السريعة أو البطيئة، يبقى بروتين الحليب بوضعه الأصلي دون مسخ، بما يجعله قادر على التخثر التجبني، بما يعطي اللبن الرائب قواما جبنيا ونكهة نيئة بعض الشيء، ومن الناس من ترغب بهذه النكهة،
البسترة السريعة هي بتسخين الحليب حتى درجة 72 مئوية وتركه على هذه الدرجة نصف دقيقة مثلا، ثم تبريده بسرعة إلى درجة الشغل وهي 40 درجة مئوية.




الشيء اللي الى الآن مش قادر استوعبه تماما

هو كميات الحليب المصنع ( معقم ومبستر ) التي يتم إنتاجها كل يوم من مصانع كبيرة مثل جهينة في مصر والمراعي الخ الخ

هاي بالتأكيد مش حليب طبيعي 100% رغم أنه يقولون انها كذلك

لا يوجد أبقار تنتج مثل هذه الكميات كل يوم ..

ربما المبستر طبيعي .. لكن المعقم لا

سمعت أحد الخبراء أنه عمليات كثيرة تتم على الحليب الطبيعي ويتم فصله للحصول على المصل وتُضاف له بودرة حليب مستوردة وخلطه بالماء وبمواد أخرى بنسب معينة بحيث يخرج في النهاية "حليب" يشبه الطبيعي الى درجة كبيرة لكن بكميات أكبر بكثير تعود على الشركة بهامش الربح المطلوب ..

ما مدى صحة هذا الكلام ؟

<<
المغربي
QUOTE(celia @ 8th Dec 2010, 11:01 PM)
QUOTE(المغربي @ 8th Dec 2010, 10:56 PM)
QUOTE(celia @ 8th Dec 2010, 10:45 PM)
اللبن البلغاري هو الاكثر انتشارا في أوربا و هو عنصر مهم في المطبخ البلغاري .
*



في أوربا الغربية الغالبية العظمى لا تعرف أين توجد بلغاريا أصلا e19.gif
*




wefdfsds.gif

طبعا ليس كل الاوربيين مثقفين مثلي 15.gif
*




الجبن البلغاري المعروف "قشقوان" (Kashkaval) غير معروف ولا ومطلوب في أوربا. في تركيا يستسيغونه وعندهم مثله.

user posted image
الميداني
لذيذ هذا الكشكافال لما يكون مسخن

ولكن غريب هناك انوع من الجبن الفرنسي تتسبب لي بالصداع .

خالد
نديم، لا أستبعد ما ذكرت...

تحلب البقرة الهولندية المحسنة من سلالة هولشتاين فريزيان 70 ليتر يوميا في الظروف القياسية، وهي قطعا ليست ضمن الظروف المصرية أقلها لارتفاع درجات الحرارة الغير متلائمة مع أبقار الحليب الأوروبية. أما أبقار الحليب الهندية مثل الزيبو وما يشبهها فلن تصل إلى ربع هذا الإنتاج لنفس كمية العلف المقدم.

لتصنيع الجبن لا يمكن أبدا أن تستعمل حليب البودرة، لكن في تصنيع اللبن واللبنة يمكن جدا هذا، أذكر أيام الحرب كنا نأكل لبنا ولبنة مصنعين من حليب البودرة تبع أعاشة وكالة الغوث (الأنروا)، تصنيع بيتي طبعا، كان الحليب الطازج عزيزا.

حليب البودرة رخيص، ولن يميز الطعم من لم يعتد إلا عليه.
الـنـديــم
>>

QUOTE
لذيذ هذا الكشكافال لما يكون مسخن



القشقوان هذا عشقي وهواي ... بس يكون بقري مش حليب أغنام dcxdscd.gif

قول انا شو أساسا باكره من الأجبان لحتى أخصص القشقوان بالكلام ؟ sss.gif

لما باروح على اي محل كبير أكتر وقت أضيعه يكون في قسم الأجبان 17.gif


QUOTE(المغربي @ 8th Dec 2010, 07:23 PM)

الجبن البلغاري المعروف "قشقوان" (Kashkaval) غير معروف ولا ومطلوب في أوربا. في تركيا يستسيغونه وعندهم مثله.

*




عندهم في بلغاريا كل اصناف وانواع الجبن مصنعة بطريقتهم الخاصة

هم استفادوا من فترة الإحتلال العثماني وتعرفوا من خلاله على كثير من اسرار المطبخ الشرقي ورجعوا أضافوا له من خصوصياتهم بالإضافة الى ما يعرفونه اصلا من مطبخهم ومطبخ الدول المجاورة

ليست القشقوان فقط ..

هناك "الفيتا" البلغارية ويسمونها Sirene

وهناك ال كاتيك katyk تشبه اللبنة وهي مشتركة مع روسيا مثل كثير اشياء بلغارية ..

وهناك ازفارا izvara وهي قريبة من جبنة cottage او القريش المصرية خفيفة الدسم

user posted image


<<
الـنـديــم
>>

QUOTE(خالد @ 8th Dec 2010, 08:24 PM)

تحلب البقرة الهولندية المحسنة من سلالة هولشتاين فريزيان 70 ليتر يوميا في الظروف القياسية، وهي قطعا ليست ضمن الظروف المصرية أقلها لارتفاع درجات الحرارة الغير متلائمة مع أبقار الحليب الأوروبية. أما أبقار الحليب الهندية مثل الزيبو وما يشبهها فلن تصل إلى ربع هذا الإنتاج لنفس كمية العلف المقدم.

*




كان مرة خبير مصري بيتكلم ..

قال استوردنا الفريزيان وكانت في أحسن الأحوال تعطي30-35 ليتر باليوم وبعدين أخذ إنتاجها في التضاؤل ثم في النهاية ذهبت الى الذبح وفشل المشروع ولله الحمد 20.gif


هو السؤال اللي دايما بخطر على بالي لما أشوف الحليب الطبيعي وارد المزارع هنا : كيف أتأكد من جودته وضمان نظافته ؟

أقصد غير عن الطعم .. لأنه الطعم عبارة عن ذوق وتذوق .. ومش ضروري اللي يعجبني او يعجب غيري يكون بالضرورة جيد ومضمون

كمان قديش نسبة الدهن المفروض تكون .. كيف اتعامل معها عند الغلي ؟


<<
Hopeless
نديم ما في حل الا تروح تحلب البقرة بايدك من المزرعة تماما كما كان يفعل خالد بجنينته
Hopeless
حمدي ليش ما بينعمل كيس اللبنة من شوالات الطحين عحد علمي شوالات السكر بيكون فيها نايلون ولا يمكن ينعمل منها كيس لبنة

فعلا هناك من يستفيد من الكلسون وبيعملوا كيس لبنة الموضوع مو مقرف بنوب لانو بيغسلوه وبيعقموه قبل الاستخدام يبدو انكم ما بتعرفوا امي كان عندا طنجرة كبيرة كتير هاي كانت بس لغلي الملابس الداخلية يعني تيابنا الداخلية كانوا ينغلوا ساعة حتى يدوبوا وبعيدن بيعملولون تلات اربع مرات غسيل تاني يعني كلسوننا ايام زمان كان يصلح للعمليات الجراحية من فرط التعقيم
وطبعا ما كان عنا شي بينرمى ما في شي اسموا والله خلص هالقميص مثلا الو خمس سنين معناتوا منرميه انا بتذكر امي كانت تفك قبة القميص واكمامه محل ما بيخرب القميص عطرف القبة وترد تركبها بالمقلوب وهيك منستخدم القميص تلات اربع سنين تانيات وقس على ذلك افالكلاسين بعد ما يلتعن ابو ام اللي خلفها من كتر الغلي كانت لا ترمة الها مليون استخدام ممكن يقصوها ويعملوا منها فوط نسائية بدل الكوتكس شو فكركون طول عمروا في كوتكس وبجوانح وبلا جوانح ممكن تنعمل كيس لبنة ممكن تتجمع مع بعضا وتصير مساحات لارض الديار يعني المهم كنا ما نكب شي الا مو بس نحلبوا حلب الا نمص خيروا ولولا العيب حتى كمان ما نكبوا
الدنيا اتغيرت اليوم صرنا استهلاكيين بشكل غير طبيعي كل شي عنا للرمي بحين من قبل انا اذكر بلوزاتنا لبسناها كلنا يعني من اخي لاخي الي لاخي وممكن تمر عاخواتي البنات بواطنا كنت البس بواط اخواتي المحظوظ كان الكبير لانو بتيجي القطعة الو وبس تصغر عليه بتنتقل للاصغر منو مو كل يوم والتاني نشتري ونرمي
Hopeless
يعني من ذكريات الطفولة المشردة تبعي اذكر انني كنت ليلة العيد كنت البس البوط ونام فيه بالسرير لانو جديد ولم يلمس الارض بعد وهذا كان حدث لا ياتي الا بالعيد ومو كل عيد مرة بالسنة واحيانا مو كل سنة فمن كتر فرحتي انو عندي بوط جديد ما حدا لبسوا غيري كنت نام وانا لابسوا
حمدي
QUOTE(Hopeless @ 9th Dec 2010, 08:35 AM)
حمدي ليش ما بينعمل كيس اللبنة من شوالات الطحين عحد علمي شوالات السكر بيكون فيها نايلون ولا يمكن ينعمل منها كيس لبنة

أكياس الطحين قماشها خفيف ومسامه واسعة، أما أكياس السكر فقماشها أمتن ومسامها ناعمة، وهي قطن صافي مثلها مثل أكياس الطحين. طبعا الحكي عن زمن السبعينات أيام السكر الوحيد هو سكر الشوندر صناعة سوريا.
الـنـديــم
>>

QUOTE(Hopeless @ 9th Dec 2010, 01:27 AM)
نديم ما في حل الا تروح تحلب البقرة بايدك من المزرعة تماما كما كان يفعل خالد بجنينته
*




والله لو مجال باعملها ..

يعني لو ينفع اشتري بقرة وأدفع عليها حق استضافة بإحدى المزارع او اتقاسم مع صاحب المزرعة منفعتها ما باقول لأ ..

وبالمرة كام جاجة بياضة على برج حمام .. اييه الأحلام ببلاش biggrin.gif


<<
Hopeless
يا جماعة رح ندخل بمتاهة التطور التاريخي لشوالات الطحين والسكر منشان كيس اللبنة ونوثق هالشي منشان الاجيال القادمة

لله درك يا حمدي شو بتدقق عماعصر مخي عصر لاتذكر كيف كان شكل الشوالات ما عماتذكر الا انو كنا نقول عن كلسون الفران اللي بحارتنا انو كيس لبنة وبمخيلتي انو كلاسينوا كان يعملون من فرنوا من شوالات الطحين تبعوا وحقيقة كلاسينوا كانت مميزة جدا واسعة ومبهبطة هو بيجوز بمخي وانا طفل انها من شوالات الطحين بس بيجوز هالحكي مو دقيق لانوا بتعرف الطفل بيشطح وبيتخيل كتير امور
Hopeless
QUOTE(الـنـديــم @ 9th Dec 2010, 05:55 AM)
>>

QUOTE(Hopeless @ 9th Dec 2010, 01:27 AM)
نديم ما في حل الا تروح تحلب البقرة بايدك من المزرعة تماما كما كان يفعل خالد بجنينته
*




والله لو مجال باعملها ..

يعني لو ينفع اشتري بقرة وأدفع عليها حق استضافة بإحدى المزارع او اتقاسم مع صاحب المزرعة منفعتها ما باقول لأ ..

وبالمرة كام جاجة بياضة على برج حمام .. اييه الأحلام ببلاش biggrin.gif


<<

*




بالعكس الموضوع سهل وبسيط وسهل التحقيق وخصيصا عندك وممكن تعملوا مشروع تقاعدك بعد عمر طويل من هلق جبلك ارض صغيرة بشي محل قسط حقها وخليها تكون ملكك بعد كم سنة روح عيش حياتك متل ابطال افلام الكاوبوي

celia
QUOTE(المغربي @ 8th Dec 2010, 11:23 PM)
QUOTE(celia @ 8th Dec 2010, 11:01 PM)
QUOTE(المغربي @ 8th Dec 2010, 10:56 PM)
QUOTE(celia @ 8th Dec 2010, 10:45 PM)
اللبن البلغاري هو الاكثر انتشارا في أوربا و هو عنصر مهم في المطبخ البلغاري .
*



في أوربا الغربية الغالبية العظمى لا تعرف أين توجد بلغاريا أصلا e19.gif
*




wefdfsds.gif

طبعا ليس كل الاوربيين مثقفين مثلي 15.gif
*




الجبن البلغاري المعروف "قشقوان" (Kashkaval) غير معروف ولا ومطلوب في أوربا. في تركيا يستسيغونه وعندهم مثله.

user posted image
*



أنا بحكي عن اللبن و ليس عن الجبنة .
Hopeless
نديم من احلا الاجازات اللي منتذكرا كتير مرة اخدت الولاد عمزرعة عشر ايام عشنا فيها حياة الريف بكل تفاصيلها وكانت فعلا ايام لا تنسى لا يمكن تتخيل كم السعادة تبع الاطفال لما يحلبوا البقرة مثلا او يشوفوا البيضة بقن الدجاج يعني كانت ايام من العمر اهل المزرعة هالشي بالنسبة الون ممل وروتيني بس بالنسبة النا كان حلم من الاحلام
الـنـديــم
>>

QUOTE(Hopeless @ 9th Dec 2010, 02:01 AM)


بالعكس الموضوع سهل وبسيط وسهل التحقيق وخصيصا عندك وممكن تعملوا مشروع تقاعدك بعد عمر طويل من هلق جبلك ارض صغيرة بشي محل قسط حقها وخليها تكون ملكك بعد كم سنة روح عيش حياتك متل ابطال افلام الكاوبوي
*




إنت بتقول فيها ؟

هذا فعلا هو مشروعي وحلمي بالنسبة للتقاعد .. مزرعة زغيرة اشتغل فيها واعملها جنتي الخاصة على مزاجي وذوقي

بس مش في كندا .. جنة بدون ناس ما بتنداس يا هوبلس .


<<
Hopeless
هناك مثل خلقان تماما للجبنة الفرنسية


كتر العلف بيعمي قلب الدابة
Hopeless
الحقيقة هو سهل ماديا بكل مكان فالاراضي الزراعية نوعا ما اسعارها مقبولة بس الصعوبة في انك تقدر تتعامل مع هالموضوع وانت طول عمرك بمجالات تانية مختلفة تماما عن هالمجال يعني ضلينا ساعة لحتى عرفنا نحلب سطل حليب من البقرة رغم اننون ملبسينا حلابات وما بعرف شو الموضوع ليس سهل يعني الجماعة عايشين عمرون في امور بديهية بالنسبة الون نحن ما منعرف عنها شي على الاطلاق
Hopeless
الاستفادة من هالموضوع انو طلع خالد خبير حلب عالمي وعامل بالحلب رسالة دكتوراة
وانو طلع اللبنة بيحطوا فيها سبيدج هالحكي مزبوط تماما وانتشر بالتلات سنين الماضية حتى امي رجعت لكيس اللبنة وبطلت تجيب لبنة من السوق وما اقتنعت معي بالكلينكس قال اللبنة بالكلينكس شغل المايعات البيروتيات
امي لليوم بتخبيلي لبنة كرات مكبوسة بالزيت بتعملا عايدا كلو كوم وهيديك اللبنة كوم المصيبة انو القطرميز بيطير بوجبة ماشالله منصير متل الجراد انا وولادي وبتغمز من مرتي وبتقلا ما تعمليلون من هاللبنة ما شايفة اديش بيحبوها احمدوا ربكم انو مرتي عقلا كبير وانو اجتماعاتون قليلة لليوم امي من كل عقلا اني لازم اتجوز عليها ست ستا وبتقلا هالحكي مرات بوشا مرتي بتضحك وبترد اذا لقى ست ستي يبقى يتجوزا

الـنـديــم
>>

QUOTE(Hopeless @ 9th Dec 2010, 02:10 AM)
الحقيقة هو سهل ماديا بكل مكان فالاراضي الزراعية نوعا ما اسعارها مقبولة بس الصعوبة في انك تقدر تتعامل مع هالموضوع وانت طول عمرك بمجالات تانية مختلفة تماما عن هالمجال يعني ضلينا ساعة لحتى عرفنا نحلب سطل حليب من البقرة رغم اننون ملبسينا حلابات وما بعرف شو الموضوع ليس سهل يعني الجماعة عايشين عمرون في امور بديهية بالنسبة الون نحن ما منعرف عنها شي على الاطلاق
*




مهو لهالسبب تحديدا .. انا ما بدي شي كبير أتغلب فيه


شي ململم وحلو .. وحتى لو تعبنا فيه بأوله لكن بعدين شغل متابعته ما راح يكون كبير


<<
Hopeless
QUOTE(الميداني @ 8th Dec 2010, 06:12 PM)
user posted image
*




هلق هادا مو شوال طحين ولا شوال سكر
كبرت بدماغي وبدي اعرف شوال الطحين من شوال السكر للتوثيق يعني
حمدي
QUOTE(Hopeless @ 9th Dec 2010, 10:16 AM)
هلق هادا مو شوال طحين ولا شوال سكر
كبرت بدماغي وبدي اعرف شوال الطحين من شوال السكر للتوثيق يعني

شكله كيس طحين.
الـنـديــم
>>

QUOTE(حمدي @ 9th Dec 2010, 03:22 AM)
QUOTE(Hopeless @ 9th Dec 2010, 10:16 AM)
هلق هادا مو شوال طحين ولا شوال سكر
كبرت بدماغي وبدي اعرف شوال الطحين من شوال السكر للتوثيق يعني

شكله كيس طحين.
*




مش مبين عالأكيد ..

بس إذا بتسألوني رأيي : هادا قماش طبي من النوع اللي بنستعمله ضمادات في المستشفيات

أحلى لبنة كنا نعملها منه بليبيا 17.gif


<<
Hopeless
خلص معناتوا انا غلطان بحق كيس الطحين حين وصفتوا بالشوال علي اللعنة
Hopeless
العمى بس معقولة الفران يعمل كيس اللبنة تبوعوا من شقفة كيس
اي كلسونوا كان بدوا دزينة كياس عالقليلة ليطلع معوا بهيداك الشكل
حمدي بوصفك موسوعة عندك صورة لشي فران لابس كلسون حتى يصير كلامنا اكتر دقة
حمدي
QUOTE(Hopeless @ 9th Dec 2010, 10:48 AM)
العمى بس معقولة الفران يعمل كيس اللبنة تبوعوا من شقفة كيس
اي كلسونوا كان بدوا دزينة كياس عالقليلة ليطلع معوا بهيداك الشكل
حمدي بوصفك موسوعة عندك صورة لشي فران لابس كلسون حتى يصير كلامنا اكتر دقة

لا والله. بس فكرة أني أصوره. أمس انعميت من كتر البحلقة بعدسة الكاميرا، ويمكن اليوم يكون عندي حفلة تصوير، بحاول أشوف شي فران هون أصوره على ما أنزل أصورلك واحد بحلب. بس منين نلاقي واحد لابس كلسون كياس هون إما لابس وزرة أو سروال صيني ماركة الوزرة الوزة.
Hopeless
ما بينفع فرانين اليوم طانطات حاطين مكيفات بين بيضاتون هيدوك الفرانة بآب اللهاب ولابسين هالكلسون وعميرققوا العجيبن بايدهم وبتشوف هالبيضات عميهزوا متل بيضات المغربل بس بيتفوقوا عبيضات المغربل بكلسوننون المميز اي تلف سوريا كلا ما رح تشوف من هالكلاسين اليوم
الـنـديــم
>>

QUOTE
بس منين نلاقي واحد لابس كلسون كياس هون


ذكرتني ..

كانت موجودة بمخيمات اللجوء ع ايام الوكالة 17.gif


<<
خالد
بالنسبة للحليب يا نديم فصعب على المستهلك العادي يكشف الغش، بس مش مستحيب.

بكندا ما رح يغشك حدا، هاد تخصص الشعوب المثقفة قولة دكتور كان يدرسني بالأردن.

اسهل شي تكشف غش النشا، شوية يود وسلامتك

حليب البودرة بدك تجبن الحليب، لأن البودرة الرخيصة الماشي حالها ما بتجبن، هاد لو جبت حليب سائل

الحليب المصنع في شي اسمه ما بعد الطعم، وهي نكهة من حامض البيوتريك الطيار ممزوج بزيوت طيارة أخرى، على الخبرة بتحس فيها وبتميز كمان شو نوع الحيوان، بالمختبر بنعمللها تقطير وعزل على طريقة كنكة العرق يا هوبليس.


أفضل شي الثقة، وهي يللي رح تميزلك اش نوع الحليب

حليب البقر عادة فيه صبغة كاروتينية، تعطيه اللون القشدي المتميز، نسبة الدهن من 2,5 في الفريزيان لـ 5,5 في الجرسي الأصفر
حليب الغنم أبيض فيه لون قشدي خفيف جا بسبب علو كفاءة تمثيل الكاروتين، نسبة الدسم غالبا 5,5 وطبعا نسبة الجوامد الكلية هي الثانية في الأنعام
حليب العنز أبيض ضارب للزرقة، غني بالزيوت الطيارة، نسبة الدهن غالبا 4، بس ممكن تحصل لغاية 5,5 متل الغنم بجوامد كلية أقل، لهيك العنز لبنه مرق. طبعا بروتينه مطاط جدا ونكهته هي الأقوى.
حليب الجاموس أبيض ضارب للزرقة(لبني)، بشبه حليب البقر المغشوش، دسمه أعلى ما يمكن 13 مثلا، الجوامد الكلية قد تصل 26 ٪ مع ذلك ليست له تلك النكهة القوية كالعنز بسبب قلة الزيوت الطيارة.

أفضل شي بالتصنيع هو حليب الجاموس لكنه عزيز المنال.


في المزارع الصغيرة تبع مشاريع التقاعد أفضل المجترات الصغيرة كالعنز والضأن على البقر، البقر كثير غلبة وخسارته كبيرة. 
الميداني
QUOTE(خالد @ 9th Dec 2010, 08:50 AM)


في المزارع الصغيرة تبع مشاريع التقاعد أفضل المجترات الصغيرة كالعنز والضأن على البقر، البقر كثير غلبة وخسارته كبيرة. 
*



علل لو سمحت

بدنا شوية شرح عن جودية هذا وذاك
خالد
البقرة الواحدة مشروع قائم بذاته لغير المختصين غلبة

بتغلبك لمن تعمل خلطة علفية، بتغلبك بكمية العلف، كمية الفضلات الناتجة وتنظيفها، مكان الايواء والرعي، ضعف كفائتها في استغلال المرعى مقارنة بصغار المجترات، كمية الحليب الناتجة تحتاج تصريفا، وين بدك تروح بـ35 لتر يوميا منمم؟

وزيادة بدك تدقها ابرة بدك بيطري وثنين يثبتوها، ان زعلت بدك مين يراضيها، وان مرضت او ماتت خسارتها كبيرة. وان بدها تتجوز قصتها قصة… وبس بدها تخلف بدك طوارئ، اصلا حملها مقت تسعة اشهر والجاموسة عشرة.
ان مرض بزها بنزل سعرها لعشرين بالمية من الاصلي ان كانت بعدها فتية، وعلى اللحام رأسا.

لمتقاعد بنصحه بعنزتين حلابات و ثلاث نعجات ثنائية الغرض، والسخل لحمه طيب والعنز تعطي توائم دون تدخل غالبا، والنعاج ممكن تعطي توائم طبيعيا او بمساعدة بسيطة، وحسب التكنولوجيا الحديثة، ممكن تخليهن يخلفن سوا، بتصير ساعتها العناية أهون والحليب ناتج من الكل سوا، والمواليد توصل لسن الذبح سوا، واطيب من العجل وعامل المخاطرة اقل. بعدين كل حبلهن خمسة أشهر، بإدارة بسيطة ثلاث مواليد كل سنتين. 
الـنـديــم
>>

QUOTE(خالد @ 9th Dec 2010, 05:24 PM)

وزيادة بدك تدقها ابرة بدك بيطري وثنين يثبتوها، ان زعلت بدك مين يراضيها، وان مرضت او ماتت خسارتها كبيرة. وان بدها تتجوز قصتها قصة…

*




20.gif 20.gif

والله معك حق .. أصلا ما ناقصنا الا نراضي البقر آخر عمرنا .

شكرا خالد ... فعلا العلم نورن AAAA.gif


<<
lonely man
QUOTE(خالد @ 9th Dec 2010, 09:24 PM)
وان بدها تتجوز قصتها قصة
*




هي نكتة قديمة ع البقرة

بواحد عندو بقرة و صار موسم التزواج

سمع عن شخص عندو تور فحل و مضمون 100% مع كفالة

حط البقرة بالسيارة و اخذها لعند التور و سال صاحب التور شلون بعرف اذا مشي حالها و لا مشي

صاحب التور جاويوا اذا بكرة الصبح لاقيتها بالشمس عبترعى بكون مشي الحال و اذا شفتها بالفي بكون ما مشي الحال جيبها .

تاني يوم طلع المزراع ع بقرتو بالشمس مالاقاها راح ع الفي شافها فحطها بالسيارة و اخذها لعند التور

و بالتالي طلع عليها بالشمس ما شافها طلع بالفي ما شافها دور بالمزرعة شافها قاعدة بالسيارة عبتستنى

e19.gif
celia
QUOTE(خالد @ 9th Dec 2010, 09:24 PM)
وزيادة بدك تدقها ابرة بدك بيطري وثنين يثبتوها، ان زعلت بدك مين يراضيها، وان مرضت او ماتت خسارتها كبيرة. وان بدها تتجوز قصتها قصة… وبس بدها تخلف بدك طوارئ، اصلا حملها مقت تسعة اشهر والجاموسة عشرة.
ان مرض بزها بنزل سعرها لعشرين بالمية من الاصلي ان كانت بعدها فتية، وعلى اللحام رأسا.

 
*



حبيت قصة زعل البقرة e19.gif


هلأ بعرف بدكم تضحكوا علي ...بس أنا بحب البقورات (بقورة هو بلغتي تصغير و دلع للبقرة ) ...

ما بعرف شو سبب حبي للهالحيوان بالذات ..ربما يعود لذكريات طفولتي فمن عادات و تقاليد بلدتي الاحتفال بالقديس

الراعي و الحامي لها (حيث أن كل بلدة ة كل مدينة بايطاليا لها قديسها الخاص ) و أثناء الاحتفال يركب الأطفال على

عربأت خشبية مزينة بأزهار ورقية تصنعها نساء البلدة يدويا و تجرهذه العربات بقورة أو بقورتين . 17.gif

user posted image


user posted image




و ربما السبب هو حبي لمشهد المراعي النورماندية الخضراء...طبعا هلأ بيجي مغربينو بيقولي ما في حدى بيعرف

20.gif النورماندي
zeyad2001
اذكر كيف كانت طبيبة الاسنان المصرية تحكيلي عن معاناة ابنائها من شرب اللبن في مصر

بسبب انهم تعودو على لبن المراعي بصراحه لا مقارنه بين الالبان المنتجة في بلد الخير 1108014410.gif

زي المراعي والصافي وندى وبين ما تشربوه في دياركم اما الشباب اللذين يجدون المنتج السعودي لديهم فهؤلاء مرضي عليهم من الله عزوجل ass.gif ass.gif ass.gif
حمدي
QUOTE(zeyad2001 @ 11th Dec 2010, 03:24 PM)
اذكر كيف كانت طبيبة الاسنان المصرية تحكيلي عن معاناة ابنائها من شرب اللبن في مصر

بسبب انهم تعودو على لبن المراعي بصراحه لا مقارنه بين الالبان المنتجة في بلد الخير  1108014410.gif

زي المراعي والصافي وندى وبين ما تشربوه في دياركم اما الشباب اللذين يجدون المنتج السعودي لديهم فهؤلاء مرضي عليهم من الله عزوجل  ass.gif  ass.gif  ass.gif
*


قصدها أن لبن المراعي وباقي ألبان بلد الخير طعمها خفيف كالماء مقارنة بلبن مصر.
اللبن الوحيد اللي كان له طعم جيد ومميز كان من مزارع (حسن بخش)، وكان له نقاط توزيع مثل (دواجن فقيه)، لكن ماتت كل أبقاره بغضمة عين، ولم يستطع لسبب أو آخر إنشاء مزارع جديدة. جرب استورد ماعز من كندا ليبدأ مشروعا جديدا لكن عقبات بيروقراطية منعته من معاودة العمل. كان لديه 2000 بقرة في مزرعته بخليص.
Hopeless
مين هالبخش هاظظظ واحسن حليب حليباتوا يا عمي قولوا بلا معنى


قال بقرة عمتشتكي لصحابها وتقول معقول كل يوم بيضلوا بيحلبوا ببزازي ساعتين وبالاخير ما في دق وبيستغربوا لما بيصير معنا جنون البقر
حمدي
QUOTE(Hopeless @ 11th Dec 2010, 04:36 PM)
مين هالبخش هاظظظ واحسن حليب حليباتوا يا عمي قولوا بلا معنى


قال بقرة عمتشتكي لصحابها وتقول معقول كل يوم بيضلوا بيحلبوا ببزازي ساعتين وبالاخير ما في دق وبيستغربوا لما بيصير معنا جنون البقر
*


بَخش بفتح الباء بمعنى عطاء، ومنه جاءت كلمة بخشيش.
هذه نسخة مصغرة لمحتوى الصفحة الرئيسية. لمشاهدة النسخة كاملة مع جميح المميزات والصور, أضغط هنا.
Invision Power Board © 2001-2014 Invision Power Services, Inc.